كل شي بدا

كل شي بدا؛

كل شي سالا،

حتى ليك انت،

مازال غدرك م هدا،

فحال الديب، 

عاس على داك....

..... الفرادي ل منا غادي يتلى،

تتسارى من قلب ل قلب،

عطفتك كانت مزورة،

ظلامها معطش للضو،

فهامة....

....داك لحنين منا،

خرجت من الحلم مهرسة؛

ب أمواج الغدر،

وغدرك سلالة.....

.......سيفو مدگوگ في العين،

مكملها  ب خناجر سامة.....

.......مرشوگة في لحم الگلب،

عييت  م نغوت.....م نصفق؛

ساعة صوت يدي كان خاوي، 

شحال  قدك......

......يا ديك الروح الحالمة؛

تفيضي ب البساطة،

وعلى الأحزان صابرة،

لگدام.......

....عراتهم عتبة الوقت،

غلب عليها......رخام الظلم البارد،

الطريق كانت مشوكة،

سال فوقها دم الحگرة،

والظلام .....

.....صبحت زهارو نابتة،

زرعو ربيعها على الجلد،

تخلط الدم مع ريحة الشك،

غرسوا الخوف.....

....في شظية ديال الظل ،

م بقينا لقينا دموع......

.......نواسي بها عذاب الگلب،

م بقات ساطت  ريح المحبة، 

ل كانت غوتتها في الگلب شهوة،

وفي الحلق بنتها، كانت حلوة،

امتا !!!!!!!

طيح قطرة السم،

و يتصفى الدم،

نخاف عليك؛

ملي داك الگلب الميت؛

يفتح فمو؛

يصرخ صرخة الحق،

يحيرك السؤال، 

ملي العين .....

....ما تبقاش تبكي، 

ملي الأذن تسمع من يشكي؛

نگيدك ..ب دراعي، 

نخاف عليك،

من صوتي.....

.....من حرفي

نخاف عليك،

ملي يتقاضى الظلام،

تبرگ الشمس؛

والعقل .....

....يسكنو ضو الصباح،