يا ديك الحادكة(g )

يا ديك
الراقدة؛(g )
امتا ؟؟؟
ضربك الفيقة؛
تزادي من جديد،
تروي عطش الكلمة،
غير فيقي
راه فياقة.....
....ماشي عياقة،
ياك أحلامنا.....
.....كانت توزن قنطار؛
ملي تفكت.... 
......رجعت توزن وقية،
ياك حلمتنا مبلولة؛
سماوها طيار الما(ء)....
......دارو ليها لخروق  رجعوها معلولة؛
يا ديك
الراقدة،(g )
امتا ضربك  الفيقة؟؟
غير فيقي .....فيقي،
راه دفا الغطا(ء)،
م ينفع واخا في عز الشتا(ء)،
راه الحملة جاية.......،جاية
الحيط يشرب، والما(ء) يريب؛
وداك الدفا يفنى،
والشمس ترجع باردة،
ويدكك شوك الحلمة،(g )
ينشف الفم ......
.....م تصيب ديك الدفلة،
باش تبرا الجرحة،
يا ديك ،
الراقدة،
امتا ....
....ضربك الفيقة!! !؟؟؟
قبل م تخسر الحلمة،
والغطا(ء) يديه مولاه،
والراقد....
م كاين من ينوب عليه،
يا ديك الراقدة؛
نودي ....شمري على دراعك،
كوني  حادكة(g )......شاطرة؛
وغزلي على قزيبة الكلب؛