قلة الكلام

كنت
خايف في الظلام
طيحت شي دموع؛
لي م كان ليهم لزوم،
في ودني(أذني ).....
.....طنطن كلام الليل،
ب كثرة التزgليم؛
فم صبح راسي
رجع بكم،
مع قلة الوقت،
تقييت شي كلمات؛
ل كانوا مصديات،
ب زربة نظفت الفم،
ورجعت ساكت،
سكاتي و جوعي،
صبحوا خوت،
بكثرة الغمزة،
كانت الشوفة....
....شوفة الحشمة،
فتيلة الكلام،
كان ضوها...
....مخبي بين   الغيام،
تمدد المد على gازو....
.....وخذا الما(ء)،
بقات الروح
جيعانة.....عريانة ......عطشانة،
عزانا  وعزاك واحد،
يا ديك الروح المجروحة،


حكيم الأصفر