نشف بير المحبة

نشف بير المحبة؛
وبانت حجارو؛
نص الكلام،
م عندو جواب،
تكنى ب طهارة القلب؛
والغدر كان هو لباسو؛
ضاعت قطرة من الدم؛
وسط قنطار من الشر،
قلبي .....
...والف لطيمهم،
كانت نيتنا صافية؛
قلنا نشربو المحبة؛
و م نحسبوا كيسانها،
بحلاوتها....
....نصبرو على مرارتهم،
قربناهم ل عينينا،....
......ودخلناهم ل لخاطر،
ساعة .....
لقيت راسي؛
بايع المحبة في سوق العداوة؛
يا مرخص المحبة،
عند الحاجة تشدك الندامة،
تصبح......
.....تعوم في شبر ديال الما(ء).
واخا بير محبتك نشف؛
م ترمي ناس ب أحجارو،
الا م بغيتيني،
حتى انا م نبغيك،
وب الجفا نزيدك،
و ل ذاق القرصة؛
غادي يعرف القصة