با شعوب

باشعوب

باشعوب كان زين الرجالة.

زينو موروت من العمة الخالة.

في قبيلتو معروف لا داعي سوالة. 
كان مولوع بالخيالة.
كان صاحب المساكين،في العيد،شري ليهم الحوالة.
وعارف الدنيا راها للزوالة.
كان راجل رزين ،معروف بالثقالة.
حديتو كلمة.وبسطو بسمة،وجماعتو نغمة،سول القوالة.
لغايب سول فيه،والحاضر يكبر بيه.
وحاجتوا ما هي ليه.
باشعوب دارت بيه الأيام.
وفي الموقف عاد خدام.
مشى زين القعدة والأيام.
دربوه الحيوط، ومرضو التخمام.
لا حنين ،واسيه في الألم.
هز عينيه في السما. وشاف غير الغمام.
معنقها سرب الحمام.
اطلب منو يبلغ السلام.
لميمتو لشافها في المنام.
خطواتو تقالوا،ماعرف توخر وليزيد قدام.
الزمان جاب ليه التمام.